Nyob rau xyoo 1988, kuv txiv thiab niam nkawd tau coj kuv thiab tsev neeg tawm hauv VibNais mus nyob rau pem XiengKhas. Hnub peb khiav mus nyob rau pem XiengKhas yog lub 1 hlis ntuj, hnub tim 3, lub xyoo 1988. Thaum peb mus txog ped lawm, tsev nyob los tsis muaj ntau. Hos hoob tsev yus mus siv los yog lub bathroom twb tseem tsis tau muaj li thiab.

Thaum peb mus txog ped lawm tsis muaj tsev viv li. Peb cov neeg khiav mus nyob rau ped. Sawv daws mam li mus hais NpausKaus, mam li khawb qhov ua tsev viv hoob nab. Cov neeg uas peb sawv daws khiav mus nyob rau ped, mam li xeem khawb qhov av ua hoob nab. Tom qab ua tau tsev viv tag lawm los tseem thsuav lub hoob da dej thiab twb tsis niam muaj li thiab. Hoob da dej ces yus mam li mus thaiv yus rau sab nram qab tsev viv es mam li mus da dej rau sab nrav xwb. Rau qhov peb yog thawj thawj pab uas xub xub mus nyob rau pem XiengKha. Yog li no peb thiaj li yog thawj pab uas tau los tsim tsev viv thiab mam xeem los ua tsev nyob.

Nyob rau hauv xoom XiengKha hauv, yog koj tsev neeg tsis muaj CA los yog BV ces yuav raug xa rov qab. Yog hais tias tsis khiav tawm los yog tsis khiav rov qab ces yuav raug ntes coj mus kaw. Thiab nyob rau hauv xoom XiengKha, Npaus kaus tsis pub ua teb zaub li. Rau qhov lub xoom XiengKha ntawd me me tsis tshua loj pes tsawg. Kuv tus kheej los kuj tsis paub xyov yuav loj npaum li cas li thiab. Yog li no lub nroog peb nyob ntawd me, luag cov hlob thiaj li tsis kam ua teb zaub.

Kev tshaib plab tshaib nqhis nyob rau hauv xoom XiengKha. Nyob rau hauv xoom XiengKha hauv, luag cov loj tsis pub yus tawm xoom li. Yog hais tias koj tawm es tsis tau ntawv tso cai los ntawm luag cov loj ces yuav raug ntes kaw. Nyob rau sab hauv xoom XiengKha hauv, luag cov loj tsis kam koj ua teb. Vim hais tias lawv cov loj twb yug cov peg xeem huab hwm zaub mov noj. Txhua txhua hnub lawv yeej thauj zaub mov tshiab tuaj faib rau peb cov pej xeem noj. Cov zaub mov noj los luag tseem muab ua li no thiab: xws li koj tsev neej muaj li 8 leej no ces. Luag faib ntses rau koj tsev neej no ces luag muab 8 tug ntses rau koj tsev neeg. Hos koj tsev neeg muaj li 4 leej nyob rau hauv koj tsev neeg no ces koj tau 4 tug ntses pam thus los noj. Yog hais tias yim twg muaj neeg coob no ces tau zaub mov ntau noj. Hos yim twg muaj neeg tsawg no ces tau zaub mov noj tsawg. Kuv daim ntawv uas kuv sau los xaus li no xwb. Yog yuav piav ntxiv kuv lub neej no mas tseem tshuav ntxiv mus thiab. Yuav piav kom tag thiab yuav piav ntxiv kom los txoj kiag rau niaj hnub niam tam sim no no mas, yuav tsum tau muab 7 hnub 7 hmo coj los piav thiaj li yuav los piav tag.

Koj twb tau nyeem kuv daim ntawv los yog kuv lub neej no me ntsis los lawm. Koj tus kheej ho xav li cas, yog hais tias koj yog thawj tug neeg uas xub mus nyob rau pem XiengKha? Seb koj ho xav li cas? Thiab yog hais tias koj yog kuv no koj yuav ua li cas?